Թուրքիան և Ադրբեջանը հնարավոր է մարտական ​​ինքնաթիռներ արտադրեն

Ազգային մարտական ինքնաթիռների համատեղ արտադրության դռները բաց են այն երկրների համար, որոնք ցանկանում են համագործակցել մեզ հետ։ Այդ հարցի շուրջ բանակցություններ են ընթանում այնպիսի երկրների հետ, ինչպիսիք են Ադրբեջանը, Պակիստանը: Մենք առաջարկում ենք միավորել մեր ջանքերը. CNN Turk-ին տված հարցազրույցում ասել է Թուրքիայի նախագահի աշխատակազմին կից պաշտպանական արդյունաբերության գլխավոր վարչության տնօրեն Իսմայիլ Դեմիրը։

Նրա խոսքով` Թուրքիան աջակցում է այն նախաձեռնությանը, որ երկրներն օգտագործեն Անկարայի փորձը, գիտելիքներն ու հմտությունները ավիացիայի և պաշտպանական արդյունաբերության ոլորտում։

«Բնականաբար, յուրաքանչյուր երկիր ունի իր առավելությունները։ Մենք կշարունակենք զարգացնել այդ քայլերը այն երկրների հետ, որոնք համաձայնել են մեր առաջարկներին, և կարծում ենք, որ դրանք դրական արդյունքներ կբերեն», - ասել է նա։