ԱՄՆ-ը դեմ է ինքնաթիռներ կործանելուն

Ադրբեջանում ԱՄՆ դեսպան Մեթյու Բրազան անընդունելի է համարում դեպի Ստեփանակերտ թռչող հայկական ինքնաթիռները ոչնչացնելու վերաբերյալ ադրբեջանական սպառնալիքները. տեղեկացնում է ադրբեջանական 1news.az-ը:

«Թեեւ կողմերից յուրաքանչյուրն իրեն ճիշտ է համարում, ամեն դեպքում ինքնաթիռներ ոչնչացնելն անընդունելի է»,- լրագրողների հետ հանդիպման ժամանակ հայտարարել է դեսպանը` հավելելով, որ ԱՄՆ-ը հանդես է գալիս այն բանի օգտին, որ բոլոր հարցերը լուծվեն բանակցությունների միջոցով:

Ավելին, Բրայզան հիշեցրել է, որ ներկայումս Բաքու-Նախիջեւան չվերթն իրականացվում է Հայաստանի օդային տարածքով, եւ հայերը ինքնաթիռներ կործանելու մասին հայտարարություններ չեն անում: