Թուրքիայի և Իրանի միջև լարվածությունը սրվել է Կովկասի շուրջ. վերլուծություն

Թուրքիան ընդլայնում է իր ազդեցությունը Կովկասում Իրանի հաշվին, ինչը հանգեցնում է երկու հարևանների միջև լարվածության աճի. գրում է Դորիան Ջոնսը Radio France Internationale-ի հոդվածում։

Իրանի դերը տարածաշրջանում նվազել է, քանի որ Թուրքիան և Իսրայելը ամրապնդում են ռազմական կապերը Ադրբեջանի հետ, իսկ Ռուսաստանը հաստատում է իր գերակայությունը։ Այս մասին հեղինակին ասել է Chatham House-ի անդամ Ջոնս Գալիպ Դալայը:

Ի պատասխան՝ Թեհրանը բանակցություններ է սկսել Հայաստանի հետ և տասնամյակների ընթացքում առաջին անգամ զորավարժություններ անցկացրել Ադրբեջանի հետ սահմանին։

Իր հերթին Թուրքիան Ադրբեջանի հետ է համատեղ զորավարժություններ է անցկացրել և հարաբերություններ է զարգացնում նաև Պակիստանի հետ, որը սահմանակից է Իրանին։ Միաժամանակ, կովկասագետ Զաուր Գասիմովի կարծիքով, Իրանը Թուրքիայի հետ Պակիստանի համագործակցությունն ընկալում է որպես սուննիական սպառնալիք։

Այնուամենայնիվ, Իրանի տնտեսությունը կախված է Թուրքիայի հետ առևտրից, հետևաբար, Անկարան կարող է ամուր դիրք ունենալ Թեհրանի նկատմամբ։