Առաջնագծից էին զանգել, ասում են՝ վիճակ չկա. գերեվարվածի հարազատ

Առաջնագծից էին զանգել, ասում են՝ վիճակ չկա։ Այս մասին Yerkir.am-ի հետ զրույցում ասաց գերեվարվածներից մեկի հարազատը։

Հիշեցնենք, որ պատերազմում գերի ընկած եւ անհետ կորած զինծառայողների ծնողները այսօր՝ վաղ առավոտից, հավաքվել են ԱԺ-ի՝ Դեմիրճյան փողոցի մուտքի դիմաց եւ պահանջում են հանդիպում ԱԺ նախագահ Ալեն Սիմոնյանի հետ:

Հիշեցնենք, որ անհետ կորած եւ գերեվարված զինծառայողների հարազատները երեկ՝ մինչ ուշ երեկո, փակ էին պահել Տիգրան Մեծի պողոտայի՝ Հանրապետության հրապարակ մտնող եւ կառավարության շենքին հարող հատվածը եւ պահանջում էին, որ ԱԺ նախագահ Ալեն Սիմոնյանը գա եւ պատասխան տա գերիներին դասալիք անվանելու համար: Գերիների եւ անհետ կորածների հարազատները նշել էին, որ պատրաստվում են փակ պահել փողոցներն այնքան ժամանակ, մինչեւ իրենց պահանջը կատարվի: Նշենք, որ նրանց վրդովեցրել էր երեկ համացանցում տարածված տեսանյութը, որում Ալեն Սիմոնյանը գերիներին համարում է դասալիքներ և ասում, որ գերիներն իր համար չկան: