ՏԵՍԱՆՅՈՒԹ․ ԱՄՆ կառավարությունը որևէ ձևով չպետք է ամերիկյան օժանդակություն ուղարկի Ադրբեջան․ Էլիզաբեթ Չուլջյան

Մեր աշխատանքների գերակա ուղղություններց մեկն այն է, որ կրճատվի ԱՄՆ կառավարության օժանդակությունը Ադրբեջանին՝ ըստ Yerkir.am-ի ասաց ՀՅԴ Ամերիկայի Հայ դատի հանձնախմբի մամուլի պատասխանատու Էլիզաբեթ Չուլջյանը Երևանում մեկնարկած ՀՅԴ Հայ Դատի հանձնախմբերի և գրասենյակների խորհրդաժողովի պաշտոնական բացման արարողությանը՝ լրագրողների հետ հարցազրույցում։

«Այսօր Սենատում պիտի քննարկվի ԱՄՆ անվտանգության բանաձևը, որի մեջ կան 2 բարեփոխումներ, և ԱՄՆ Հայ դատի հանձնախումը անմիջականորեն աշխատել է սենատորների հետ, որպեսզի կրճատվի ԱՄՆ օժանդակությունը դեպի Ադրբեջան։ Սա մեր գերադաս աշխատանքներից մեկն է, որովհետև ի վերջո նկատի առնելով Ադրբեջանի հարձակողական դիրքը, 2020-ի պատերազմը, որ մինչև օրս վերջացած չէ, ԱՄՆ կառավարությունը որևէ ձևով չպետք է  ամերիկյան օժանդակություն ուղարկի Ադրբեջան»,-ասաց Էլիզաբեթ Չուլջյանը։

Դրանից բացի նա նշեց, որ աշխատանք են տանում, որ ամերիկյան տեխնոլոգիաները չօգտագործվեն ընդդեմ հայ քաղաքացիների, Արցախի քաղաքացիների, ինչը տեսանք 2020-ի պատերազմին:

«Մենք տեսանք, որ թուրքական ԱԹՍ-ները օգտագործվեցին Ադրբեջանի կողմից, փաստորեն նրանք օգտագործեցին ամերիկյան տեխնոլոգիա: Դրա դեմ պետք է պատժամիջոցներ լինեն, քանի որ օրենքներ կան, որն ասում է, որ ամերիկյան տեխնոլոգիաները չպետք է օգտագործվեն անմեղ քաղաքացիների դեմ»,-ասաց Չուլջյանը։

Նա ընդգծեց, որ իրենց աշխատանքի նպատակներից մեկն էլ Արցախին ու Ադրբեջանին ուղղված օժանդակության ընդլայնումն է:

«Մի քանի ամիս առաջ Ներկայացուցիչների պալատը 2,5 մլն դոլարի օժանդակություն նախատեսեց Արցախի համար, ինչը բավարար չէ՝ մանավանդ հաշվի առնելով հարյուր հազարավոր անտուն հայերին, որոնք ստիպված եղան իրենց տները թողնել»,-ասաց նա:

ԱՄՆ-ի պատգամը, ըստ նրա, հստակ պետք է լինի, որ չեն զորակցում Ադրբեջանի հարձակողական քայլերը․ այսօր այդ պայքարի մի փուլն է:

Մանրամասն՝ տեսանյութում․