Սոս Ավետիսյանը նշանակվել է Իսպանիայում ՀՀ արտակարգ եւ լիազոր դեսպան

ՀՀ նախագահի հրամանագրով ՝ Վլադիմիր Կարմիրշալյանը հետ է կանչվել Իսպանիայի Թագավորությունում և Անդորրայի Իշխանապետությունում Հայաստանի Հանրապետության արտակարգ և լիազոր դեսպանի պաշտոնից:

Նախագահ Արմեն Սարգսյանի մեկ այլ հրամանագրով՝ 7-րդ գումարման ԱԺ-ում «Իմ քայլը» խմբակցության պատգամավոր Սոս Ավետիսյանը նշանակվել է Իսպանիայի Թագավորությունում ՀՀ արտակարգ եւ լիազոր դեսպան: Այս մասին Yerkir.am-ը տեղեկանում է ՀՀ նախագահի պաշտոնական կայքից:

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի 1-ին մասի.

Սոս ԱՎԵՏԻՍՅԱՆԻՆ նշանակել Իսպանիայի Թագավորությունում Հայաստանի Հանրապետության արտակարգ և լիազոր դեսպան (նստավայրը՝ Մադրիդ)»,- նշված է հրամանագրում։