Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 3 տարի առաջ - 2021-11-10 16:47
Քաղաքական

1 ամսում՝ 1 տասնյակ արյունալի հանցագործություն. ՀՀ-ԱՀ իշխանությունները հանցավոր կերպով լռում են

1 ամսում՝ 1 տասնյակ արյունալի հանցագործություն. ՀՀ-ԱՀ իշխանությունները հանցավոր կերպով լռում են
․ Հոկտեմբերի 9-ին Ադրբեջանի զինված ուժերի դիպուկահարը սպանեց Մարտակերտի մոտ գտնվող իր նռան այգում աշխատող 55-ամյա Արամ Տեփնանցին։
․ Հոկտեմբերի 15-16-ին Ադրբեջանի զինված ուժերը գնդակոծեցին Երասխ համայնքը՝ այրելով անասնագոմեր և խոտի մի քանի հազար հակ։
․ Նոյեմբերի 8-ին Շուշիի հարևանությամբ ջրամատակարարման խողովակների վրա շինարարական աշխատանքներ իրականացնելիս ադրբեջանցու կողմից սպանվեց 22-ամյա Մարտիկ Երեմյանը, վիրավորվեցին երեքը։
․ Երեկ՝ նոյեմբերի 9-ին թշնամին կրակել է Արենի համայնքի Խաչիկ գյուղի ուղղությամբ, փշրել հողային աշխատանքներ իրականացնող բնակչի տրակտորի հետևի ու կողային ապակիները:
Եվ սա ընդամենը մեկ ամսվա ընթացքում և միայն քաղաքացիական բնակչության դեմ ուղղված հանցագործություններն են։ Այս կարճ ժամանակահատվածում թշնամին բազմիցս թիրախավորել է առաջնագծում մեր դիրքերը, վիրավորել մեր 7 զինծառայողներին, կրակել բանակի թիկունքային ապահովման և սանիտարական մեքենաների վրա։
Արդյո՞ք սրանք առանձին միջադեպեր են։
Արդյո՞ք այս հանցագործությունները պետք է դիտարկել իրարից անջատ։
Ոչ։
Այս ամենը հայերի և Հայաստանի նկատմամբ Թուրքիայի և իր գործիք Ադրբեջանի կողմից որդեգրած, հետևողականորեն և անընդհատ շարունակաբար իրականացվող ցեղասպան քաղաքականության դրսևորումներն են։
Այս պարագայում ՀՀ և ԱՀ իշխանությունների բացարձակ լռությունն ու հանցավոր անգործությունն ուղղակիորեն նպաստում են Թուրքիայի ցեղասպան քաղաքականության իրականացմանը, ավելին՝ խթանում են այն, մղում գործել էլ ավելի լկտի ու սանձարձակ։
 

Ալվինա Աղաբաբյան

ԵՊՀ Ռազմավարական հետազոտությունների կենտրոնի ղեկավար,

դասախոս

 
 
 

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը