«Իսկանդեր»-ներ կիրառելու որոշում կկայացվի` կախված իրավիճակի զարգացումից. ՀՀ պաշտպանության նախարար

Հայաստանը «Իսկանդեր»-ներ կիրառելու որոշում կկայացնի` կախված իրավիճակի զարգացումից. РИА Новости-ի հետ զրույցում հայտարարել է ՀՀ պաշտպանության նախարար Վիգեն Սարգսյանը:

«Ես չեմ կարող ալգորիթմ նշել: Այդ զենքի նշանակությունը և պարամետրերը հնարավորություն են տալիս անվերականգնելի վնաս հասցնելու երկրին, որի դեմ կիրառվելու են: Հետևաբար, «Իսկանդեր»-ներ կիրառելու որոշումը սերտորեն կապված է իրավիճակի զարգացման հետ: Ամեն դեպքում` մենք այն դիտարկում ենք որպես երաշխավորված հարվածի զենք, եթե նման անհրաժեշտություն լինի: Դա առաջին հերթին զսպման զենք է: Ակնհայտ է, որ իրադարձությունների զարգացումը կարող է թելադրել նման մոտեցումների վերանայում, սակայն սկզբունքորեն, ըստ գաղափարի, իր հնավորություններով դա այնպիսի զենք է, որը պետք է ցանկացած տաք գլուխ սառեցնի որոշումներ կայացնելիս»,- ասել է նախարարը: