Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-08-01 10:15
Հասարակություն

Իր ծառի ճյուղը կոտրողին չներեց ազգս, բայց 5000-ից ավել զոհ տվող ղեկավարին նորից ընտրեց. զուգահեռ իրականության հետքերով

Իր ծառի ճյուղը կոտրողին չներեց ազգս, բայց 5000-ից ավել զոհ տվող ղեկավարին նորից ընտրեց. զուգահեռ իրականության հետքերով
Լրագրող Արև Աբելյանը գրում է.
 
«Մենք ներո՞ղ ազգ ենք, թե....
 
Հարևանի խեթ հայացքը չներող ազգս ներեց Աննա Հակոբյանին՝ Մեհրիբան Ալիևային Շուշի հրավիրելու համար։
 
Այգու մի թիզ հողը հարևանի կողմից զավթելու համար տարիներով դատարանների դուռն ընկնող ազգս շատ շուտ համակերպվեց Արցախի 75%-ի և հայկական տարածքների կորստի հետ։
 
Իր ծառի ճյուղը կոտրողին չներեց ազգս, բայց 5000-ից ավել զոհ տվող ղեկավարին նորից ընտրեց։
 
Խմելու ջրի պաշարները թշնամուն հանձնած ղեկավարներին ներեց ազգս, բայց չներեց, ու բահով սպանեց իր առվի հունը փոխած հարևանին։
 
Սաշիկի այդպես էլ չբացահայտված 50%-ը չներեց ազգս, բայց միլիարդավոր դրամների պարգևատրումներն արդարացրեց։
 
Մանվելի տուշոնկան չներեց ազգս, բայց պատերազմի օգնությունները ֆուռերով գողացած և Երևանում թանկարժեք տներ գնողներին ներեց ու չտեսնելու տվեց։
 
Սև լճի 30 տոկոսը առանց պայքարի թշնամուն տվողին ներեց ազգս, բայց բուրդ լվանալու պատճառով ջուրը բարակացրած հարևանի հետ ոխերիմ թշնամի դարձավ։
 
Աշխատավարձից 1000 դրամ պահելու համար կռիվ տվեց ազգս, բայց երկրի բյուջեից պատգամավորին ամենամսյա 250 000 տալու որոշման վրա աչք փակեց։
 
Հավատարիմ ընկերոջ փրկող սուտը չներեց ազգս, բայց երկրի ղեկավարի հազարավոր սուտ խոստումները, որից ոչ մեկն էլ իրականություն չդարձավ, առանց վարանելու ներեց ու մոռացավ։
 
Սեփական մանր-մունր խնդիրները ավելի կարևորեց ու չներեց ազգս, իսկ հայրենիքին առնչվող ամեն մի կորուստ հանգստությամբ ընդունեց ու .... ԱԶԳՍ....
 
Հ.Գ. ու էդպես էլ չկարողացա հասկանալ մենք ներո՞ղ ազգ ենք, թե....»:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը