Հունիսի 7-ին մենք պարտավոր ենք ապահովել խորհրդանշական 1.5 մլն մարդու մասնակցությունը. Մխիթարյան

Գյումրու ավագանու «Իմ հզոր համայնք» խմբակցության ղեկավար, պրոդյուսեր Ռուբեն Մխիթարյանը տեսաուղերձ է հղել.

«Մեկ դար առաջ Թուրքիայում սպանվեցին 1.5 մլն հայեր», ավելացնելով, որ «այսօր թրքահպատակ իշխանությունները ուրանում են Հայոց Ցեղասպանությունը և 1.5 մլն հայերի կոտորածը։

Հունիսի 7-ին մենք պարտավոր ենք ապահովել խորհրդանշական 1.5 մլն մարդու մասնակցությունը։ Դարձի՛ր 1.5 միլիոնից մեկը, ով չի ուրանում… ով հիշում է… 1.5 մլն մարդու մասնակցությունը մեր պատվի, գենետիկ և պատմական հիշողության հարցն է։ Մասնակցիր ընտրություններին, դարձի՛ր 1.5 միլիոնից մեկը, դարձի՛ր այն փոփոխությունը, որի կարիքը քո երկիրը շատ ունի»։