Հայիթիի նախագահը սպանվել է

Հայիթիի նախագահ Ժովենել Մոիսը մահացու վիրավորվել է․ հայտնում է Gazette Haiti պորտալը՝ վկայակոչելով վարչապետ Կլոդ Ժոզեֆին:

Ըստ կառավարության հայտարարության՝ գիշերն անհայտ անձինք հարձակվել են պետության ղեկավարի նստավայրի վրա, նրանցից ոմանք խոսել են իսպաներեն: Առաջին տիկինը վիրավոր է:

Սա Մոիսի դեմ առաջին մահափորձը չէ: Փետրվարին ոստիկանությունը կանխել էր պետական հեղաշրջման փորձը և հանրապետության ղեկավարի սպանությունը:

Մոիսը Հայիթին գլխավորում էր 2017 թվականից: Նա հայտնի է երկիրը մշտական ճգնաժամից դուրս բերելու՝ իր տնտեսական նախաձեռնություններով, ինչպես նաև հանրապետությանը տառապանքներ պատճառող կոռուպցիայի դեմ ակտիվ պայքարով: