Կյանքից հեռացել է վաստակավոր օդաչու Ալեքսանդր Բալտայանը

Ալեքսանդր Բալտայանը կյանքից հեռացել է 2021թ․ հունիսի 21–ին։ Հուղարկավորությունը տեղի կունենա ս․թ․ հունիսի 23–ին՝ ժամը 18։00–ին, Լյուար սգո սրահում։

Ալեքսանդր Միսակի Բալտայանը ծնվել է 1950թ․ հունվարի 8–ին։ 1970 թվականից աշխատել է քաղավիացիայում՝ որպես օդաչու։ Եղել է քաղավիացիայի վարչության պետի տեղակալ, օդանավի հրամանատար։ Իրականացրել է բոլոր կառավարական չվերթները։

Ա․ Բալտայանը եղել է նախագահական թիվ 1 ինքնաթիռի հրամանատար, ինչպես նաև Կ․ Դեմիրճյանի, Լ․ Տեր–Պետրոսյանի, Ռ․ Քոչարյանի և Ս․ Սարգսյանի ինքնաթիռների հրամանատար։ Արժանացել է Մեսրոպ Մաշտոցի շքանշանի, Վաստակավոր օդաչու կոչման և մի շարք այլ գովասանագրերի։