Թուրքիան կոչ է անում ՄԱԿ-ին՝ Իսրայելին պատասխանատվության ենթարկել Գազայում սրման համար

Թուրքիայի արտաքին գործերի նախարար Մևլյութ Չավուշօղլուն հինգշաբթի ՄԱԿ-ի Գլխավոր ասամբլեայում իր ելույթում նշել է, որ Իսրայելը միանձնյա պատասխանատու է Երուսաղեմում, Հորդանան գետի ափին և Գազայում ընթացող հակամարտության համար. հաղորդում է CNN Türk-ը:

«Նման ողբերգությունների կրկնությունն անխուսափելի է, քանի դեռ Իսրայելը պատասխանատվության չի ենթարկվել իր հանցագործությունների համար և չի դադարեցրել  իր անպատժելիության հավատը»,- ասել է Չավուշօղլուն:

«Մենք չենք լռելու սարսափելի վայրագությունների առջև, քանի որ անարդարության առջև լռությունը հավասարազոր է կատարված հանցագործություններին մասնակցելուն: Նա, ով լռում է անարդարության առաջ, չարիք է», - ասել է Չավուշօղլուն:

Նույն օրը ՄԱԿ-ի գլխավոր քարտուղար Անտոնիո Գուտերեշը կոչ էր արել Իսրայելին՝ ապահովել օգնության արագ և անկաշկանդ հասանելիությունը:

«Եթե երկրագնդին դժոխք կա, դա Գազայի երեխաների այսօրվա կյանքն է: Մարտերը լուրջ վնաս են հասցրել Գազայի քաղաքացիական կարևոր ենթակառուցվածքներին, ներառյալ՝ ճանապարհներին ու էլեկտրահաղորդման գծերին, ինչը հանգեցրել է հումանիտար արտակարգ իրավիճակի: Գազայում անցակետերը փակվել են, և էլեկտրաէներգիայի պակասն ազդում է ջրամատակարարման վրա»,- ասել է Գուտերեշը: