ՄԱԿ-ի Անվտանգության խորհրդի չորս անդամներ Իսրայելին կոչ են անում վերջ տալ Պաղեստինում ապօրինություններին

ՄԱԿ-ի Անվտանգության խորհրդի անդամ չորս երկրներ կոչ են արել Իսրայելին՝ դադարեցնել անօրինական հրեական բնակավայրերի կառուցումը օկուպացված Արեւմտյան ափին եւ Արեւելյան Երուսաղեմում։

Եվրամիության երեք երկրներ՝ Ֆրանսիան, Իռլանդիան, Էստոնիան և Նորվեգիան, դիմել են Թել Ավիվին՝ Պաղեստինում ապօրինություններին վերջ տալու խնդրանքով։ Թել Ավիվի քաղաքականությունը քննադատող համատեղ հայտարարությանն աջակցել է նաեւ Ալբանիան, որը հաջորդ տարի կմիանա ՄԱԿ-ի Անվտանգության խորհրդին։

Հայտարարության հեղինակները նշել են, որ հրեական բնակավայրերը սկզբունքորեն անօրինական են՝ միջազգային իրավունքի տեսանկյունից, և խոչընդոտ են «Երկու պետություն երկու ժողովուրդների համար» սկզբունքի հիման վրա պաղեստինա-իսրայելական հակամարտության կարգավորման համար։ 

ՄԱԿ-ի Անվտանգության խորհրդի անդամ երկրները նաև լուրջ մտահոգություն են հայտնել Իսրայելի պաշտպանության նախարարության որոշման առնչությամբ պաղեստինյան վեց իրավապաշտպան կազմակերպությունների ահաբեկչական կազմակերպությունների ցուցակում ներառելու վերաբերյալ։