Ռուսաստանը պատասխանում է ԱՄՆ-ի պատժամիջոցներին

Ռուսաստանը կարտաքսի ամերիկացի 10 դիվանագետի: Այս մասին տեղեկացրել է Ռուսաստանի արտգործնախարար Սերգեյ Լավրովը:

Սա Մոսկվայի հայելային պատասխանն է նախօրեին Վաշինգտոնի սահմանած պատժամիջոցներին:

Բացի այս, Սերգեյ Լավրովի խոսքով, կարգելվեն Ռուսաստան ԱՄՆ-ի պետքարտուղարության աշխատակիցների կարճատեւ աշխատանքային այցերը: Ռուսաստանում ԱՄՆ-ի դիվանագիտական ներկայացուցչություներն էլ այլեւս չեն կարողանա աշխատանքի վերցնել Ռուսաստանի կամ որեւէ 3-րդ երկրի քաղաքացիների: Պատժամիջոցներ կսահմանվեն ամերիկացի 8 գործիչների նկատմամբ:

Այսօր ավելի վաղ, Ռուսաստանի նախագահի օգնական Յուրի Ուշակովը Մոսկվայում ԱՄՆ-ի դեսպանին խորհուրդ է տվել Վաշինգտոն մեկնել ու այնտեղ լուրջ խորհրդակցություններ անցկացնել: