Թուրքիան արգելել է կրիպտոարժույթները

Թուրքիայի Կենտրոնական բանկը օրինական արգելք է սահմանել ֆինանսական հաշվարկներում կրիպտոարժույթների կիրառման համար՝ ուղղակիորեն կամ միջնորդների միջոցով: Համապատասխան կարգավորման կանոնները հրապարակված են Resmî Gazete պետական պաշտոնական թերթում:

Արգելքն ուժի մեջ է մտնում ընթացիկ տարվա ապրիլի 30-ից: Դա վերաբերում է քաղաքացիների և կազմակերպությունների միջև կրիպտոարժույթներով ցանկացած գործողության իրականացմանը: Թուրքիայում կրիպտոարժույթները պաշտոնապես դադարում են լինել վճարման մատչելի միջոց՝ միջնորդների միջոցով կամ ուղղակիորեն ապրանքների գնման ու ծառայությունների  վճարման համար:

Ընթացիկ փուլում Կենտրոնական բանկը չի սպասարկի, չի երաշխավորի, չի կարգավորի կրիպտոարժույթներով գործարքները: Կենտրոնական բանկը նշել է, որ նման գործարքները լուրջ ռիսկեր են պարունակում պայմանագրային կողմերի համար, այդ թվում`պաշտոնական կարգավորիչների կողմից որևէ արդյունավետ վերահսկողության բացակայության պատճառով: