Ադրբեջանն ու Թուրքիան սկսում են կապի զորքերի համատեղ զորավարժություններ

Ադրբեջանի և Թուրքիայի զինված ուժերը ապրիլի 6-ին սկսում են կապի ստորաբաժանումների համատեղ տակտիկական հատուկ վարժանքները:

«Զորավարժությունների ընթացքում ռազմական կապավորները կտեղակայվեն մարտական պատրաստության առաքելություններ իրականացվելու տարածքներում, որտեղ կմշակեն հաղորդակցման միասնական համակարգի կազմակերպման խնդիրները: Զորավարժությունները, որոնք իրականացվելու են կապի ժամանակակից  և կառավարման ավտոմատացված համակարգերի կիրառմամբ, իրականացնելու են զորքերի փոխգործակցության կազմակերպման, դաշտային հրամանատարական շտաբների տեղակայման և այլ գործողությունների կազմակերպման խնդիրներ», - ասվում է հաղորդագրության մեջ:

Զորավարժությունները կտևեն մինչև ապրիլի 8-ը:

Նշենք, որ պատերազմից հետո սա Ադրբեջանի՝ արդեն 5-րդ զորավարժանքներն են։