Իրանը զորավարժություններ է անցկացնում Իրաքի հետ սահմանի մոտակայքում

Իրանի Իսլամական հեղափոխության պահապանների կորպուսը հինգշաբթի զորավարժություններ է սկսել երկրի հարավ-արևմուտքում գտնվող Խուզեստան նահանգում՝ Իրաքի հետ սահմանին. հաղորդում է Tasnim-ը:

Մասնավորապես՝ «Մեծ մարգարե» զորավարժություններին մասնակցում են հատուկ նշանակության ջոկատներն ու հրթիռային ուժերը:

Բրիգադային գեներալ, ԻՊԿ ցամաքային զորքերի հրամանատար Մոհամադ Պակպուրը զորավարժությունների մեկնարկից առաջ ասել է, որ դրանք ուղղված են «զինված ուժերի վերջին ձեռքբերումների և նոր հնարավորությունների գնահատմանը»:

Associated Press-ն իր հերթին նշում է, որ Իրանը վերջին ամիսներին ավելացրել է զորավարժությունների քանակը: Հունվարին ԻՊԿ-ն վարժանքներ էր անցկացրել, որոնց ընթացքում բալիստիկ հրթիռ էին արձակել Հնդկական օվկիանոսում թիրախի ուղղությամբ: