ԵՄ-ն Թուրքիայի սադրանքները դատապարտելու հարցում դանդաղ է գործուն․ Հունաստանի ԱԳ նախարար

Եվրամիությունը Արևելյան միջերկրածովյան և Էգեյան ծովում Թուրքիայի սադրանքները դատապարտելու հարցում «դանդաղ է գործում», սակայն Աթենքը «համբերությամբ և համառությամբ» կշարունակի պնդել պատժամիջոցների անհրաժեշտությունը, նախօրեին հայտարարել է Հունաստանի արտաքին գործերի նախարար Նիկոս Դենդիասը, գրում է Ekathimerini թերթը:

«Քայլ է արվել, բայց մեր կառավարությունը երբեք չի ասել, որ դա բավարար է»,- ասել է Դենդիասը՝ վկայակոչելով Եվրոպական խորհրդի գագաթնաժողովի՝ Թուրքիայի դեմ պատժամիջոցների վերաբերյալ քննարկումը մինչև մարտ հետաձգելու որոշումը։

Մեկնաբանելով Եվրոպական մի քանի կառավարությունների ներկայացրած փաստարկն այն մասին, որ Թուրքիա զենքի արտահանման արգելքը կխաթարի ՆԱՏՕ-ի համախմբվածությունը, Դենդիասն ասել է․ «Ինչպե՞ս կարող են արդարացնել իրենց դիրքորոշումը, երբ դաշինքի գլխավոր հենարանը՝ Միացյալ Նահանգները, պատժամիջոցներ է սահմանել Թուրքիայի դեմ այն փաստարկի հիման վրա, որ այդ երկիրը խարխլում է ՆԱՏՕ-ի միասնությունն ու անվտանգությունը»։

Նա հավելել է, որ ռուսական C-400 հակահրթիռային պաշտպանության համակարգի գնման կապակցությամբ Թուրքիայի դեմ պատժամիջոցներ սահմանելու Վաշինգտոնի որոշումը «անկասկած, հզոր ազդանշան է», հատկապես հաշվի առնելով, որ այն ընդունվել է Եվրախորհրդի նիստից ընդամենը մեկ օր անց: