Արցախում չպարզված հանգամանքներում զինվոր է մահացել

Արցախի Պաշտպանության բանակի հյուսիսարևելյան ուղղությամբ տեղակայված զորամասերից մեկի պահպանության տեղամասում զինծառայող է մահացել։ Տեղեկությունը հայտնում է Արցախի պաշտպանության նախարարությունը։

«Դեկտեմբերի 15-ին՝ ժամը 14:17-ի սահմաններում, չպարզված հանգամանքներում մահացու հրազենային վիրավորում է ստացել զինծառայող՝ 2002թ. ծնված Վահե Հովհաննեսի Բաբայանը»,– նշված է հաղորդարգրության մեջ

Դեպքի մանրամասները պարզելու համար կատարվում է քննություն:

ԱՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին: