Ռուսաստանի ԱԻՆ-ը Ղարաբաղ է ուղարկել մարդասիրական օգնության 54 վագոն

Մոտ 1,2 հազար տոննա ընդհանուր քաշով մարդասիրական օգնությամբ 54 վագոն երկաթուղային ճանապարհով ուղարկվել է Լեռնային Ղարաբաղ, սպասվում է, որ բեռը կժամանի առաջիկա օրերին. РИА Новости-ին հայտնել են Ռուսաստանի արտակարգ իրավիճակների նախարարության մամուլի ծառայությունից:

«Հումանիտար օգնությամբ 54 վագոն՝ շուրջ 1200 տոննա ընդհանուր քաշով, Լեռնային Ղարաբաղ է ուղարկվել Ռուսաստանի ութ քաղաքներից: Առաջիկա օրերին սպասվում է ժամանումը»,- նշված է հայտարարության մեջ:

Լեռնային Ղարաբաղում մեկ ամսվա աշխատանքի ընթացքում ՌԴ արտակարգ իրավիճակների նախարարության խումբը, Արցախի իշխանությունների հետ համատեղ, 43 բնակավայրերում հայտնաբերել է ավելի քան 2.6 հազար վնասված օբյեկտներ, որոնցից 220-ը սոցիալական նշանակություն ունեն:

Ըստ արտակարգ իրավիճակների նախարարության՝ հնարավոր է եղել վերականգնել 28 սոցիալական հաստատություններ և բնակելի տարածքներ, իսկ աշխատանքները շարունակվում են ևս 147 օբյեկտների վրա: