Թուրքիայի նախագահը հայտնել է օտարերկրյա ահաբեկչական վարձկանների արտաքսման մասին

Թուրքիայի իշխանություններն արտաքսել են իրենց երկրները մինչև 9 հազար օտարերկրյա ահաբեկչական վարձկանների: Այդ մասին, ինչպես հաղորդում է Anadolu գործակալությունը, նոյեմբերի 22-ին հայտարարել է Թուրքիայի նախագահ Ռեջեփ Թայիփ Էրդողանը՝ տեսակոնֆերանսի միջոցով դիմելով G20 գագաթնաժողովի մասնակիցներին:

«Մեր երկիրը ջանքեր է գործադրում ահաբեկչության սպառնալիքը վերացնելու, հակամարտությունները կանխելու և կայունությունն ապահովելու ուղղությամբ,- ասել է թուրք նախագահը:- Չնայած մի շարք պետությունների՝ Թուրքիայի հետ համագործակցելու մերժմանը՝ ահաբեկչության դրսևորումների դեմ պայքարում Անկարան ինքնուրույն բռնել և արտաքսել է սեփական երկրներ մինչև 9 հազար օտարերկրյա վարձկան ահաբեկիչների»:

Էրդողանը նաև հավելել է, որ ՆԱՏՕ-ի միակ երկիրը, որը իրականում պայքարում է Սիրիայում «Իսլամական պետության»  ահաբեկիչների դեմ, Թուրքիան է: