ՌԴ նախագահն անձամբ է ինձ խնդրել աջակցել «երիտասարդ, անփորձ» Զելենսկիին. Լուկաշենկո

Բելառուսի նախագահի պաշտոնակատար Ալեքսանդր Լուկաշենկոն ասել է, որ ՌԴ նախագահ Վլադիմիր Պուտինն իրեն է դիմել Ուկրաինայի նախագահ Զելենսկիին աջակցելու խնդրանքով: Այս մասին նա պատմել է Европейская правда-ին տված հարցազրույցում:

Լուկաշենկոն բողոքել է, որ ուկրաինացիները, այդ թվում՝ նախագահ Վլադիմիր Զելենսկին, իրեն «սովորեցնում» են երկրում ստեղծված իրավիճակի պատճառով:

Ակնհայտ է, որ խոսքը Ուկրաինայի նախագահի՝ միջազգային դիտորդների մասնակցությամբ Բելառուսում նոր ընտրություններ անցկացնելու վերաբերյալ հայտարարության մասին է:

«Նույնիսկ Զելենսկին… Նա, ում ես ամեն կերպ աջակցում էի, և Պուտինը հավանություն էր տալիս դրան»,- իր հիասթափությունն է հայտնել Լուկաշենկոն ու հավելել՝ ՌԴ նախագահն անձամբ է իրեն խնդրել աջակցել «երիտասարդ, անփորձ» Զելենսկիին:

Նա նաև հստակեցրել է, որ Զելենսկիի հետ «կենսական նշանակության շատ հարցեր» է քննարկել, և Ուկրաինայի նախագահը «լավ էր վերաբերվում իրեն»:

Լուկաշենկոն Բելառուսում ստեղծված իրավիճակի վերաբերյալ Զելենսկիի  քննադատական հայտարարությունները բացատրել է ԱՄՆ-ի ազդեցությամբ: