«Թուրքական հոսքը» դարձյալ կփակվի. մեկ ամսում երկրորդ վերանորոգման համար

Հուլիսի 27-ից օգոստոսի 10-ը, «Թուրքական հոսք» գազատարը նորից կփակվի վերանորոգման համար: Դա տեղի կունենա մեկ ամսվա ընթացքում երկրորդ անգամ. նախորդ պլանավորված սպասարկումը տևել է հունիսի 23-ից հունիսի 29-ը. հայտնում է «Ինտերֆաքս»-ը։

Պաշտոնական պատճառն այս անգամ ընկերության կողմից իրականացվող աշխատանքներն են. անցած ամիս անհրաժեշտ էր դադարեցնել պոմպակայանը «Գազպրոմի» կողմից:

Դեռևս մայիսին, նման պատճառներով, փակվեց դեպի Թուրքիա երկրորդ գազատարը՝ «Blue Stream»: Ինչպես պարզել է «Reuters» գործակալությունը, հուլիսի կեսից, չնայած վերանորոգման ավարտին, խողովակը դատարկ էր, քանի որ թուրք սպառողները չեն պատվիրել ոչ մի խորանարդ մետր: Արդյունքում, մեկ շաբաթից գնումները կարող են ընդհանրապես դադարեցվել։

Ավելի վաղ հաղորդվում էր, որ մարտ ամսին Թուրքիան 7 անգամ կրճատել է ռուսական գազի սպառումը 2019 թվականի նույն ժամանակահատվածի համեմատ, իսկ 2018-ի մարտի՝ 14 անգամ: Այդ ամիս Blue Stream-ը և Turkish Stream-ը միասին գործում էին ընդամենը 10 տոկոս հզորությամբ:

Նմանատիպ միտման պատճառը հանրապետության անցումն էր ադրբեջանական գազին, չնայած «Թուրքական հոսքի» գործարկմանը, և հեղուկացված բնական գազին, որը վերջին մեկ տարվա ընթացքում զգալիորեն նվազել է արժեքով: