Սբ. Սոֆիան կպահպանվի որպես համաշխարհային ժառանգության մաս. Չավուշօղլու

Թուրքական իշխանությունները կշարունակեն Այասոֆիան համարել ՅՈՒՆԵՍԿՕ-ի Համաշխարհային ժառանգության վայր նույնիսկ շենքի մզկիթի վերածվելուց հետո: Այս մասին հուլիսի 13-ին հայտարարել է Թուրքիայի արտգործնախարար Մևլութ Չավուշօղլուն՝ TRT հեռուստաալիքի եթերում:

Հիշեցնենք, որ հունիսի 10-ին Թուրքիայի նախագահ Ռեջեփ Թայիփ Էրդողանի հրամանով չեղյալ հայտարարվել 1934 թ. Թուրքիայի նախարարների խորհրդի այն որոշումը, ըստ որի Այասոֆյա մզկիթը վերածվեց թանգարանի։ Որոշումից հետո ՅՈՒՆԵՍԿՕ-ում հայտարարել էին, որ իրենք խորապես ցավում են տաճարի կարգավիճակի վերաբերյալ որոշման համար, որն ընդունվել է առանց քննարկման:

Չավուշօղլուն շեշտեց, որ հայտարարությունները, որոնք խախտում են Թուրքիայի ինքնիշխան իրավունքը, և այդ հարցի շուրջ քննարկումները անտեղի են: Թուրքական իշխանությունները հարգում են վայրը պահպանելու ցանկություն ունեցող անձանց կարծիքը:

«Մենք պետք է պահպանենք այն ժառանգությունը, որը մեր նախնիները թողել են մեզ: Հետևաբար, ՅՈՒՆԵՍԿՕ-ի որոշ հայտարարություններ մեզ զարմացրել են», - ասել է նախարարը: