Ավստրալիան մեկուսացնում է Վիկտորիա նահանգը երկրի մնացած մասից. պատճառը կորոնավիրուսի աճող դեպքերն են

Ավստրալիայի իշխանությունները կորոնավիրուսով վարակման դեպքերի մտահոգիչ աճի պատճառով մեկուսացնում են Վիկտորիա նահանգը երկրի մնացած մասից. այս մասին հայտնում է AFP-ն:

Նշվում է՝ համավարակի սկզբից ի վեր առաջին անգամ երեքշաբթի կեսգիշերից կփակվի սահմանը Ավստրալիայի երկու ամենախիտ բնակեցված նահանգների՝ Վիկտորիայի եւ Նոր Հարավային Ուելսի միջեւ, հայտնում են երկու պետությունների ներկայացուցիչները:

Երկուշաբթի Վիկտորիա նահանգում, որտեղ ավելի քան 6.6 միլիոն մարդ է բնակվում, կորոնավիրուսով վարակման ռեկորդային 127 նոր դեպք է գրանցվել, ինչն էլ պատճառ է դարձել Հարավային Ավստրալիայի հետ Վիկտորիայի սահմանը բացելու պլանների սառեցվելուն։