Երեխաները COVID-19-ով ավելի քիչ են վարակվում, քան ծնողները

Գերմանացի գիտնականները պարզել են, որ երեխաները ավելի քիչ հավանականությամբ են վարակվում կորոնավիրուսով, քան իրենց ծնողները. հայտնում է Spiegel- ը:

«Երեխաները կորոնավիրուսային վարակի հատուկ կրողներ չեն, ինչպես որ, օրինակ, մենք գիտենք գրիպի վիրուսների դեպքում», - հայտարարել է համալսարանական հիվանդանոցի մանկաբուժության տնօրեն Ուլմ Կլաուս-Միխաիլ Դեբատինը:

Հեյդելբերգի, Ֆրայբուրգի և Տյուբենգենի համալսարանական կլինիկաների գործընկերների հետ միասին նա զննել է 2.500 զույգ երեխա-ծնող առանց սուր ախտանիշերի կամ արդեն վարակված դեպքերի: Հարցումներն անցկացվել են ապրիլի 22-ից մայիսի 15-ը դաշնային Բադեն-Վյուրթեմբերգ նահանգում: Ըստ գիտնականների՝ սա աշխարհի ամենամեծ կորոնավիրուսային ուսումնասիրությունն է երեխաների շրջանում:

Ըստ նախնական գնահատականների՝ Բադեն-Վյուրթեմբերգում երեխաները վարակվել են կորոնավիրուսով ՝ զգալիորեն ավելի քիչ, քան մեծահասակները: Ընդհանուր առմամբ, հետազոտված 5 հազարից միայն 64-ն ունեին արյան մեջ կորոնավիրուսային հակամարմիններ: Հիվանդացել են 45 ծնող և միայն 19 երեխա:

Գիտնականները արյան նմուշները հետազոտել են հակամարմինների երկու թեստերով, այնուհետև փորձարկել են լրացուցիչ թեստեր: Այնուամենայնիվ, արդյունքները դեռ նախնական են, քանի որ դեռ ոչ բոլոր նմուշներն են հաստատված: Հետազոտությունն ուղարկվելու է հրապարակվելու գիտական ամսագրում, ոչ ուշ, քան հուլիսի սկիզբը: