Հեղափոխական մոտեցում՝ կանաչապատման ոլորտում

Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ը ֆեյսբուքյան իր էջում գրել է.

«Վարդագուն Սակուրաներ և այլ դեկորատիվ ծառեր կզարդարեն վարդագույն Երևանը: Վաղվանից մայրաքաղաքում կտնկվեն լավագույն դեկորատիվ ծաղկող ծառատեսակներ: Ընտրված լավագույն տեսակները ներմուծվել են Հոլանդիայից և համապատասխանում են Երևանի կլիմայական պայմաններին:

Սակուրայի հրաշք տեսքը հնարավոր կլինի վայելել ծաղկման շրջանում: Ծառերը (Սակուրա Ռոյալ Բուրգունդի, Սակուրա թափվող Սերուլատա, Սզնի սուկուլենտ «Ջուբիլե», Սոսի գնդաձև, Դրախտածառ Կարմիր տերևներով, Բոխի բրգաձև Լուկաս, Թխկի Կարմիր, Սզնի Միջին «Պաուլուս Սքարլեթ», Կատալպա գնդաձև, Բուդլեյա Դավիդի, Եղրևանի հնդկական, Դեյցիա շքեղ) կտնկվեն՝ հաշվի առնելով դրանց գունային համադրությունը»: