Ունեցել ենք 1201 հաստատված, 402 առողջացած եւ 19 մահվան դեպք. Փաշինյան

Վարչապետ Նիկոլ Փաշինյանը հանդես է եկել տեսաուղերձով, որտեղ ներկայացրել է կորոնավիրուսի համաճարակի իրավիճակը աշխարհում եւ Հայաստանում:

«2020-ի ապրիլի 16-ից ՀՀ-ում արտակարգ դրություն է հայտարարված: Արտակարգ դրության ժամկետը լրանում էր ապրիլի 14-ին, բայց ստիպված էինք երկարացնել եւս մեկ ամսով, որովհետեւ ճգնաժամը հաղթահարված չէ ոչ միայն Հայաստանում, այլեւ ողջ աշխարհում:

Մինչ այժմ աշխարհում կորոնավիրուսով վարակվել է 2 181 508 մարդ, մահացել է 147 337 մարդ, առողջացել՝ 552 264 մարդ:

Հայաստանում ունեցել ենք 1201 դեպք, 402 առողջացած եւ ցավոք 19 մահվան դեպք:

Մահացածների միջին տարիքը 73,8 է: Բոլոր մահացածները ունեցել են ուղեկցող հիվանդություններ:

Ապրիլի 17-ի դրությամբ, բուժվում է 780 հոգի, մեկուսացման մեջ է 1700 մարդ, ինքնմեկուսացման ռեժիմ է սահմանվել 2647 մարդու համար: Չնայած այս տագնապալի թվերին, հարկ եմ համարում ընդգծել, որ մեր առողջապահական եւ պետական կառավարման  հմակարգի ջանքերի բերումով վարակի տարածումն այս պահի դրությամբ շարունակում է մնալ կառավարելի:

Հիվանդանոցային տեղերի մոտ կեսը գրեթե միշտ թափուր է եղել: Սա համաճարակի կառավարման ամենակարեւոր ցուցանիշն է, որովհետեւ բազմաթիվ զարգացած երկրներում արձանագրվել են դեպքեր, երբ բուժման կարիք ունեցող բազմաթիվ քաղաքացիների համար տեղ չէր գտնվում հիվանդանոցներում:

Մինչ այս պահը մենք արժանապատվորեն ենք դիմակայել համաճարակին»,-ասաց Փաշինյանը:

Վարչապետը շնորհակայություն հայտնեց բուժաշխատողներին:

«Հենց առաջին օրից արժանապատիվ պայմաններ են ստեղծված մեր մեկուսացված քաղաքացիների համար, նրանք ապահովված են սննդով, հյուրանոցային համարներով եւ բուժսպասարկմամբ: Այս օրերին տարբեր երկրներից ապահովվել է հազարավոր մեր քաղաքացիներն վերադարձը Հայաստան, ինչն իրականացվել է ինչպես բյուջեի, այնպես էլ կազմակերպությունների եւ բարերաների աջակցությամբ: բոլորին ուզում եմ շնորհակալություն հայտնել:

Կորոնավիրուսի համաճարակի հայաստանյան առաջնահատկություններից է այն, որ երբեք մեզ մոտ չարձանագրվեց դատարկ ցուցափեղկերի երեւույթը, ինչը ցավոք արտահայտվել է աշխարհի բազմաթիվ երկրներում: Դրա համար ուզում եմ շնորհակալություն հայտնել ինչպես  մեր գործարարներին, այնպես էլ ՌԴ-ի, Իրանի ու Վրաստանի մեր գործընկերներին, որոնք ջանքք չեն խնայում հայաստանյան բեռների փոխադրումն ապահովելու համար»,-ընդգծեց Փաշինյանը: