«Թեոդոր Ռուզվելտ» ավիակրի վրա կորոնավիրուսակիների թիվը հասել է 230-ի․ US Navy

ԱՄՆ ռազմածովային ուժերին պատկանող «Թեոդոր Ռուզվելտ» ավիակիր նավի վրա կորոնավիրուսով վարակված թիվն ավելացել է․ այս պահին ախտահարված է անձնակազմի 230 անդամ. հայտնում է Yerkir.am-ը՝ԱՄՆ ռազմական նավատորմի պաշտոնական կայքին հղումով։

Նշվում է, որ վերջին տվյալներով՝ ստուգվել է անձնակազմի անդամների 79 տոկոսը, և 2037 նավաստիի մոտ կորոնավիրուս չի հաստատվել։ Մոտ 5000 անձնակազմ ունեցող ռազմանավերի 3 հազարից ավելի նավաստիներ իջեցվել են տախտակամածից և տեղավորվել ԱՄՆ-ին պատկանող Գուամ կղզում։

Հավելվում է՝ նավի վրա մնացել է այնքան մարդ, որքանը բավարար կլինեն նավի «կենսական» գործընթացներին հետևելու համար։

Ավելի վաղ հայտնել էինք, որ ավիրակրում վարակի բռնկումն ուղեկցվել է սկանդալով. նավի հրամանատարը նավատորմի ղեկավարությունից պահանջել է ավելի սթափ գործել ու օգնության հասնել անձնակազմին։ Կարճ ժամանակում նրա դիմումը հայտնվել է մամուլի ուշադրության կենտրոնում, որից հետո վերջինիս ազատել են աշխատանքից։ Արդեն այսօր նավատորմի ղեկավար-նախարարն է ազատման դիմում ներկայացրել։