Իրանը Հորմուզի նեղուց է դուրս բերել ամերիկյան ավիակրի սեփական մոդելը

Իրանը Հորմուզի նեղուց է դուրս բերել ամերիկյան ավիակրի սեփական՝ իրանական մոդելը, հայտնում է Associated Press- ը՝ վկայակոչելով Maxar Technologies-ի արբանյակային պատկերները:

Nimitz դասի ավիակիր հիշեցնող մոդելը ավելի փոքր է, քան բնօրինակը. ամերիկյան նավի երկարությունը 300 մետր է, լայնությունը՝ 75 մետր: Իրանցիների պատրաստած օրինակը կազմում է ընդամենը 200 մետր երկարություն և 50 մետր լայնություն: Ավիակրի տախտակամածում երևում են տասնհինգ ինքնաթիռներ:

Նշվում է, որ նրա ծովում հայտնվելը ցույց է տալիս Իսլամական հանրապետության՝ մոտ ժամանակներս զորավարժություններ անցկացնելու ծրագրերը: Գործակալությունը հիշեցնում է, որ 2015-ին Իսլամական հեղափոխության պահապանների կորպուսը իր զորավարժություններում օգտագործել է նմանատիպ նավ: Այնուհետև այն խորտակվել է «ցամաք-ծով» հրթիռներով: