ԱԺ արտահերթ նիստը կկայանա վաղը. Լիլիթ Մակունց

«Վաղը կունենանք երկար ժամանակ հանգամանալից և երկար քննարկելու բոլոր հարցերը: Վստահ եմ, որ խորքային քննարկում է տեղի ունենալու, բոլորս կհասցնենք ծանոթանալ խմբակցությունների դիրքորոշումներին»,-ըստ Yerkir.am-ի՝ լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը:

ԱԺ արտահերթ նիստը կայանալու է վաղը, ժամը՝ 11:00-ին:  

Այսօր ԱԺ «Իմ քայլը» խմբակցությունը հրավիրել էր խորհրդի նիստ, որտեղ  քննարկվել էր պատգամավոր Վահագն Հովակիմյանի ներկայացրած՝ «Ազգային ժողովի կանոնակարգ», «Հանրաքվեի մասին» և «Սահմանադրական դատարանի մասին» սահմանադրական օրենքներում փոփոխություններ և լրացումներ կատարելու մասին օրենքների նախագիծերը:

Նշենք, որ այսօր խորհրդի նիստը երկու անգամ հետաձգվել է: Ըստ Լիլիթ Մակունցի՝ հետաձգումները տեխնիկական պատճառներով էին: