կարևոր
15511 դիտում, 1 ամիս առաջ - 2024-03-06 19:20
Հասարակություն Արցախ

Արցախի ՊԲ պահեստազորի գնդապետ Նորայր Ասլանյանի գործով առաջին դատական նիստը կկայանա վաղը

Արցախի ՊԲ պահեստազորի գնդապետ Նորայր Ասլանյանի գործով առաջին դատական նիստը կկայանա վաղը

2024 թվականի մարտի 07-ին, ժամը 17։30-ին Երևան քաղաքի ընդհանուր իրավասության քրեական դատարանում՝ նախագահությամբ դատավոր Տաթևիկ Գրիգորյանի (հասցեն՝ Տիգրան Մեծի պող., 23/1 շենք), տեղի կունենա հրազենի և ռազմամթերքի ենթադրյալ ապօրինի շրջանառության գործով մեղադրվող Արցախի պաշտպանության բանակի պահեստազորի գնդապետ, Մարտական խաչ առաջին և երկրորդ աստիճանի շքանշանների արժանացած Նորայր Ասլանյանի գործով առաջին դատական նիստը։ Դատական նիստն անց է կացվելու դռնբաց կարգով, որում քննարկվելու է նաև Նորայր Ասլանյանի խափանման միջոցի ընտրության հարցը։

Հիշեցնենք, որ Նորայր Նելսոնի Ասլանյանը բարձրագույն ռազմական կրթությամբ զինվորական հրամանատար է, ով Հայոց բանակում ծառայել է 1991-ից մինչև 2022 թվականները։ Ռազմական գործում գրանցած զգալի հաջողությունների համար պարգևատրվել է Մարտական խաչ երկրորդ և առաջին աստիճանի, ինչպես նաև ՀՀ և ԱՀ Մարտական ծառայության բազմաթիվ շքանշաններով։

2021 թվականից Արցախի Հանրապետության նախագահի աշխատակազմում զբաղեցրել է անվտանգության վարչության պետի տեղակալի պաշտոնը։

Նորայր Ասլանյանի պաշտպանական խումբ