Շոուբիզնեսի որոշ ներկայացուցիչների նկատմամբ քրեական գործ է հարուցվել. ՊԵԿ

Շոուբիզնեսի որոշ ներկայացուցիչների նկատմամբ քրեական գործ է հարուցվել. ըստ Yerkir.am-ի՝ այսօր լրագրողների հետ զրույցում նշել է Պետական եկամուտների կոմիտեի նախագահի տեղակալ Էդվարդ Հովհաննիսյանը:

Նա նշեց նաև, որ այս պահի դրությամբ բիզնեսի մոտ 10 ներկայացուցիչներ արդեն հայտարարագրել են իրենց եկամուտները:

«Շոու բիզնեսի բազմաթիվ ներկայացուցիչներ Հարկային մարմին են ներկայացրել հայտարարագրեր և վճարել իրենց կողմից ստացած եկամուտներից բխող հարկային պարտավորությունները: Որոշ ներկայացուցիչների նկատմամբ հարուցվել են քրեական գործեր, որոնք ներկայում նախաքննության փուլում են»,- նշեց Հովհաննիսյանը:

Հիշեցնենք, որ ՀՀ ՊԵԿ-ը մի քանի ամիս է, ինչ սկսել է կոշտ միջոցներ ձեռնարկել հարկերի վճարումից խոսափող շոուբիզնեսի ներկայացուցիչների նկատմամբ: 

Ավելի վաղ կոմիտեն տեղեկացրել էր, որ, ի թիվ այլ երգիչների, իրենց եկամուտները հայտարարագրել են Իվետ Մուկուչյանը, Սիլվա Հակոբյան, Թաթան և այլք: