Թուրքիան առնվազն 200 հազար լիրա կվճարի նրանց, ովքեր կօգնեն գտնել ահաբեկիչների

Թուրքիայի ներքին գործերի նախարարությունը նոր կանոններ է սահմանել «Ահաբեկչության դեմ պայքարի մասին» օրենքով հետախուզվող մարդկանց վերաբերյալ տեղեկատվություն տրամադրողներին պարգևավճարներ տալու համար. ըստ Yerkir.am-ի՝ հայտնում է resmigazete.gov.tr-ը:

Ըստ նոր կանոնների`տեղեկատուն, որը կօգնի գտնել այն մարդկանց, որոնք մեղադրվում են ահաբեկչական գործունեության մեջ, կպարգևատրվի մինչև 200 հազար թուրքական լիրայով: Այդ գումարը հնարավոր է ավելանա ավելի քան 50 անգամ, եթե խոսքը ահաբեկչական կազմակերպությունների ղեկավարների մասին է: Այն դեպքում, երբ մեկ անձը կօգնի գտնել մի քանի ահաբեկչի, համապատասխանաբար, պարգևավճարը կավելանա: