Դոնալդ Թրամփը սպառնացել է Կալիֆոռնիայի նահանգապետին

Դոնալդ Թրամփը սպառնացել է դադարեցնել անտառային հրդեհների դեմ պայքարի համար Կալիֆոռնիային տրամադրվող դաշնային ֆինանսավորումը: Միացյալ Նահանգների նախագահը մեղադրել է դեմոկրատ նահանգապետ Նյուսոմին վատ կառավարման համար, նշել, որ ամեն տարի նույն պատմությունն է՝ նահանգում հրդեհ է բռնկվում եւ նահանգապետը դոլարներ է պահանջում դաշնային կառավարությունից:

Գեվին Նյուսոմը, որը հաճախ է քննադատում Թրամփի բնապահպանական քաղաքականությունը, հայտարարել է, որ նախագահը չի հավատում կլիմայական փոփոխություններին:

Ի դեպ, հաղորդվում է, որ հրշեջները մեծամասամբ մարել են Կալիֆոռնիայում մի քանի շաբաթ մոլեգնած անտառային հրդեհները։