«ՀուԶանք ու Զանգ» աղմկահարույց ներկայացման մեջ խաղում է «Իմ քայլը» խմբակցության քարտուղար Հասմիկ Խաչունցը

Հանրապետության հրապարակի մետրոյի  հարակից տարածքում նոյեմբերի 2-ին ցուցադրված «ՀուԶանք ու Զանգ» աղմկահարույց ներկայացման մեջ, որպես դերասան, ներգրավված  է եղել նաև ավագանու «Իմ քայլը» խմբակցության քարտուղար Հասմիկ Խաչունցը:

Ներկայացումը, ըստ Հ. Խաչունցի, 1920-ական թվականների հայ ֆուտուրիստ պոետների ժամանակակից վերընթերցում էր` միահյուսված ժամանակակից պարի, ճարտարապետության և  հանրային տարածքում մարմնի ներկայության հետ: Անդրադառնալով որպես քաղաքական գործիչ ներկայացմանը իր մասնակցությանը՝  նա նշում է՝ պետք է դուրս գալ կոստյումով ու գեր տղամարդ քաղաքական գործիչների մասին պատկերացումներից, իսկ ինքն իրեն ավելի շատ հասարակական գործիչ է համարում, քան՝ քաղաքական: