Իրանը չի պարտվել որեւէ բանակցությունում. Թրամփ

ԱՄՆ նախագահ Դոնալդ Թրամփը խոստովանել է Իրանի բանակցային ուժի մասին. հաղորդում է BBC-ն: «Պարզապես հիշեցման համար` իրանցիները ոչ մի պատերազմ չեն շահել եւ չեն պարտվել որեւէ բանակցությունում»,- Twitter-ի իր միկրոբլոգում գրել է նա: 

Թրամփի թվիթերյան այս գրառումը պետք է դիտարկել երկու երկրների լարված հարաբերությունների ֆոնին: Թեեւ կողմերը պնդում են, որ հակամարտության չեն ձգտում, այդուհանդերձ, հորիզոնում չկա որեւէ ազդակ, որը կվկայի կողմերի միջեւ բանակցության հնարավորության մասին: 

Նշենք, որ Թրամփը բազմիցս է նշել առանց նախապայմանների Իրանի հետ բանակցելու պատրաստակամության մասին: Վերջին շրջանում, սակայն, նա խոստովանել է, որ Իրանի հետ բանակցելու համար պայմանները գնալով ավելի են բարդանում: