Վահե Գրիգորյանը կրկնում է իր կողմից ավելի վաղ արված հայտարարությունը` «Արմեն Սարգսյանը լեգիտիմ նախագահ չէ»

Այսօր լրագրողների հետ զրույցում ՀՀ նախագահի կողմից ՍԴ դատավորի թեկնածու առաջադրված, 2008-ի մարտի 1-ին տուժած անձանց իրավահաջորդների շահերի պաշտպան Վահե Գրիգորյանն անդրադարձել է իր կողմից ավելի վաղ արված հայտարարությանը, թե ՀՀ նախագահ Արմեն Սարգսյանի նշանակումը լեգիտիմ չէ:

Վահե Գրիգորյանը պնդեց, որ քննադատել է Արմեն Սարգսյանի՝ 4-րդ նախագահի ընտրության գործընթացը, և որ 4-րդ նախագահին պետք է ընտրեին քաղաքացիները, ոչ թե Ազգային ժողովը. «Ես համարում եմ, որ չորրորդ նախագահին պետք է ընտրեին քաղաքացիները, այդ ժամանակ ուժի մեջ էր 2005-ի Սահմանադրությունը»:

Ավելի վաղ, երբ նշանակվում էր ՀՀ նախագահ Արմեն Սարգսյանը, փաստաբան  Վահե Գրիգորյանը հայտարարել էր, որ նա ոչ լեգիտիմ նախագահ է: Որոշ ժամանակ անց ՀՀ նախագահ Արմեն Սարգսյանը հենց նրան է առաջադրում ՍԴ դատավորի թեկնածու: