Ժամը 11-ի դրությամբ Աբովյանում ՏԻՄ ընտրությունների մասնակցությունը 10.52 տոկոս է

Կենտրոնական ընտրական հանձնաժողովը ներկայացրել է մինչև ժամը 11:00-ը քվեարկելու իրավունք ունեցող քաղաքացիներից ընտրության մասնակցության ցուցանիշները, ըստ որի՝ մասնավորապես Աբովյան քաղաքում 44,519 քվեարկելու իրավունք ունեցող քաղաքացիներից ընտրության մասնակցել են 4685-ը կամ 10.52 տոկոսը:Աբովյանում բացվել է  27 տեղամաս։ Ընտրություններում առաջադրվել է 5 թեկնածու։ 

Այսօր տեղական ինքնակառավարման մարմինների ընտրություններ են անցկացվում հանրապետության ևս 22 համայնքում, որոնցից 14-ում ընտրությունները հերթական են, իսկ 9-ում՝ արտահերթ: Նշված համայնքներից 12-ում ընթանում են համայնքի ղեկավարի, 8 համայնքում` ավագանու անդամի, իսկ 3-ում՝ միաժամանակ համայնքի ղեկավարի և ավագանու անդամի ընտրություններ: