Տղամարդը փորձել է Թայմս Սքուերում պայթյուն իրականացնել. նա ձերբակալվել է

ԱՄՆ խոշորագույն քաղաքի` Նյու Յորքի ոստիկանությունը ձերբակալել է տղամարդու, որը պատրաստվում էր քաղաքի ամենահայտնի թաղամասերից`Մանհեթենի կենտրոնում գտնվող Թայմս Սքուերում պայթյուն իրականացնել. հայտնում է CBS –ը:

Նշվում է, որ կասկածյալը ձերբակալվել է քաղաքի ոստիկանության և Հետաքննությունների դաշնային բյուրոյի աշխատակիցների համատեղ աշխատանքների շնորհիվ:

Իրավապահ մարմինների հաղորդմամբ` տղամարդը պայթուցիկներ է գնել, որոնք պատրաստվում էր կիրառել Թայմս Սքուերում պայթյուն իրականացնելու համար: Տեղի ոստիկանները նրան վնասազերծել են`ձերբակալելով զենքը գնելու պահին:

Կասկածյալի անունը դեռևս չի հրապարակվում, բայց նա շուտով կհայտնվի Բրուքլին թաղամասի դատարանի առաջ: