Ապրիլի 28-ին Նյու Յորքի Թայմս Սքվեր հրապարակում կկազմակերպվի Հայոց ցեղասպանության զոհերի ոգեկոչմանը նվիրված միջոցառում

Նյու Յորքի Թայմս Սքվեր հրապարակում այս տարվա ապրիլի 28-ին նախատեսվում է Հայոց ցեղասպանությանը նվիրված միջոցառում. հաղորդում է armradio.am կայքը:

Այս տարվա միջոցառման շրջանակներում հանդես է գալու հայտնի երգիչ Էլի Բերբերյանը, որը կկատարի Շառլ Ազնավուրի «Ils Sont Tombes» («Նրանք ընկան») երգը: «Ազնավուրը հայոց պատմության մեջ մեծագույն հետք թողած լեգենդար գործիչներից է, և ես ցանկանում եմ, որ Հայոց ցեղասպանության վերաբերյալ նրա խոսքերը հնչեն աշխարհի կենտրոն համարվող Նյու Յորքի Թայմս Սքվեր հրապարակում»,- ասել է երգիչը:

Այդ օրը հրապարակում կհավաքվեն քաղաքական գործիչներ, իրավաբաններ, հետազոտողներ, դերասաններ և այլք: