Կառավարությունը խափանել է դատական մարմնի գործունեությունը. սա հակասահմանադրական է.Արմենուհի Կյուրեղյան

Վարչապետ Նիկոլ Փաշինյանի կոչը՝ արգելափակել դատարանների մուտքերն ու ելքերը, խնդրահարույց է Հայ Յեղափոխական Դաշնակցության համար: Հանրության համար անորոշ էր, թե ինչի համար է այդ ամենն արվում: Այս մասին Tert.am-ի հետ զրույցում ՀՅԴ ԳՄ անդամ Արմենուհի Կյուրեղյանը:  

Ըստ նրա՝ տեղի ունեցածը սահմանադրական կարգի տապալման փորձ էր: «Սա առաջին դեպքը չէր. հոկտեմբերի 2-ին կատարվեց նույն բանը: Եթե հիշում եք, Նիկոլ Փաշինյանը հանրությանը կանչել էր ԱԺ»,- ասաց նա: 

Արմենուհի Կյուրեղյանը նշեց, որ, ըստ Սահմանադրության, կա գործադիր, օրենսդիր, դատական մարմին և անթույլատրելի է, որ մեկը մյուսին ճնշեն, նրանք պետք է իրար հակակշռեն: 

«Կառավարությունը խափանում է դատական մարմնի գործունեությունը: Սա հակասահմանադրական է»,- ասաց Արմենուհի Կյուրեղյանը՝ նշելով, որ դատաիրավական համակարգի բարեփոխումներ կարելի էր անել օրենսդիր մարմնում համապատասխան նախաձեռնություններ առաջ բերելով: 

Մանրամասները՝ տեսանյութում։