Ինչ է քննարկելու Պոմպեոն Լավրովի և Պուտինի հետ

ԱՄՆ պետքարտուղար Մայք Պոմպեոն Սոչիում ՌԴ ԱԳ նախարար Սերգեյ Լավրովի և և ՌԴ նախագահ Վլադիմիր Պուտինի հետ կքննարկի իրավիճակը Իրանում և կայունացումը Սիրիայում: Այդ մասին լրագրողներին ասել է ԱՄՆ-ի` Իրանի հարցով հատուկ ներկայացուցիչ Բրայան Հուքը. հայտնում է РИА Новости-ն:

«Իրանը օրակարգում կլինի: Իրանը ապակայունացնող դեր ունի Սիրիայում: Մեր արտաքին քաղաքականությունն ուղղված է Սիրիայից իրանական ուժերին հանելուն: Մենք գիտենք, որ ՌԴ-ի շահերից է բխում Սիրիայի կայունացումը, և քանի դեռ Իրանն  օգտագործում է Սիրիան որպես հարթակ իր արտաքին քաղաքական նպատակները առաջ տանելու համար, այն կայուն չի լինի»,- ասել է Հուքը: