Թրամփը պատրաստվում է «Մուսուլման եղբայրներին» ահաբեկիչ հայտարարել

Սպիտակ տան խոսնակ Սառա Սանդերսը էլեկտրոնային նամակի միջոցով հայտարարել է, որ «ԱՄՆ նախագահ Դոնալդ Թրամփը պատրաստվում է «Մուսուլման եղբայրներին» ահաբեկչական կազմակերպություն հայտարարել»:

New York Times թերթը հայտնում է, որ ապրիլի 9-ին Սպիտակ տուն կատարած այցի ժամանակ Եգիպտոսի նախագահ Աբդուլֆեթթահ աս Սիսիին հաջողվել է համոզել Թրամփին` «Մուսուլման եղբայրներին» հայտարարել ահաբեկչական խմբավորում. հաղորդում է haberturk.com կայքը:

Նշենք, որ մի քանի շաբաթ առաջ Դոնալդ Թրամփն ահաբեկչական էր հայտարարել Իրանի Իսլամական հեղափոխության պահակազորը, ինչին ի պատասխան` Իրանի Ազգային անվտանգության բարձրագույն խորհուրդը ԱՄՆ-ի ԶՈւ Կենտրոնական հրամատարությանն ընդգրկել էր ահաբեկչական կառույցների ցուցակում: