Մուսուլման եգիպտացին դատապարտվել է մահվան

Եգիպտական դատարանը վճիռ է կայացրել մահվան դատապարտելու Մուհամեդ Ահմեդ Հուսեյինին, ով մեղադրվում էր վեց ղպտի քրիստոնյաների սպանության մեջ:

2010 թ-ի հունվարի 6-ին Մուհամեդ Ահմեդ Հուսեյինը եկեղեցու դիմաց կրակահերթ էր բացել պատարագից դուրս եկող քրիստոնյաների վրա, որի արդյունքում զոհվել էին վեց  հոգի: Ենթադրվում է, որ այդ հարձակումը վրեժ էր քրիստոնյա տղամարդու կողմից տասներկուամյա մուսուլման աղջկա բռնաբարության համար: Քրիստոնյա ղպտիները կազմում են եգիպտոսի բնակչության քսան տոկոսը, և պարբերաբար ենթարկվում են բռնարարքների  մուսուլման բնակչության կողմից:

Երկու շաբաթ առաջ Ալեքսանդրիայի Ղպտի քրիստոնեական եկեղեցում ինքնասպան ահաբեկիչը պայթեցրել էր ինքն իրեն՝ խլելով 23 մարդու կյանք: 

Հռոմի Պապը բազմիցս հանդես է եկել Եգիպտոսում ղպտիների իրավունքների պաշտմանության կոչով, այս երկու դեպքերը ևս չէր թողել անարձագանք: Այս դատավճիռը հազվագույտ անգամն է, երբ քրիստոնյայի սպանության համար մուսուլմանը մահվան է դատապարտվում: