Պետք է դեռ սպասել՝ սա զուտ հռետորաբանությո՞ւն է, թե՞ այն ազդել է թուրք-իսրայելական չերևացող համագործակցության վրա. Սաֆրաստյան

«Ստեղծվեց թուրք-իսրայելական ռազմական դաշինքը, որը ոչ միայն քաղաքական նպատակներով է ստեղծվել, այլև առավել խորքային դաշինք էր և նշանակում էր համագործակցություն թուրքական և իսրայելական գաղտնի ծառայությունների միջև, նրանց գործողությունները Մերձավոր Արևելքում:  Հետագայում, երբ իշխանության եկավ Էրդողանը, «Արդարություն և զարգացում» կուսակցությունը, Էրդողանը միտումնավոր կերպով արաբական, իսլամական աշխարհում տպավորություն էր ստեղծում, թե ինքն այլևս այս պարտավորություններից դուրս է գալիս: Սա դրական նշանակություն ունեցավ, և Թուրքիայի հեղինակությունն իսլամական, արաբական  աշխարհում որոշ չափով բարձրացավ: Սակայն, ըստ արևմտյան վերլուծաբանների գնահատականների, Թուրքիայի և Իսրայելի միջև համագործակցությունը շարունակվում է չերևացող ոլորտներում: Իսկ Մերձավոր Արևելքն այնպիսի տարածաշրջան է, որտեղ քաղաքականության չերևացող ոլորտները կարևոր նշանակություն ունեն: Պետք է սպասել և տեսնել՝ Էրդողանի բարձրացրած հակաիսրայելական հռետորական ալիքը իսկապե՞ս կազդի այդ լայնածավալ, բայց չերևացող համագործակցության վրա, թե՞ սա հերթական հռետորաբանությունն է, որի մեծ վարպետն է Էրդողանը»,- ասաց Սաֆրաստյանը: