Արեւի վրա բռնկումներն ազդել են մեր մոլորակի վրա

Արեգակի վրա սեպտեմբերի 22-24-ը տեղի ունեցած մի շարք հզոր բռնկումները մեր մոլորակում մագնիսական փոթորկի առիթ են դարձել. տեղեկացնում է Новости գործակալությունը:

Փոթորիկն առավել ակտիվ է եղել հատկապես երեկ երեկոյան: Ըստ ամերիկացի գիտնականների` այս երկուշաբթի` Երեւանի ժամանակով 20.00-ի սահմաններում, մագնիսական ալիքների ինդեքսը կտրուկ աճել է` 1-ից հասնելով 5-ի, իսկ 3 ժամ հետո` 8-ի եւ այդ մակարդակի վրա մնացել է ավելի քան 6 ժամ:

Գիտնականները պնդում են, որ ներկայումս Արեգակի ակտիվ հատվածը շարժվում է արեւելքից դեպի արեւմուտք, իսկ սեպտեմբերի 29-ին այն արդեն կլինի մի դիրքում, որն ամենահարմարն է մեր մոլորակին հարվածելու համար: