Արևմտահայերենն ու համշեներենը ճանաչվել են որպես անհետացող լեզուներ

Փետրվարի 21-ն աշխարհում նշվում է որպես Մայրենի լեզվի միջազգային օր:

Ըստ ՅՈՒՆԵՍԿՕ-ի հրապարակած տվյալների` Թուրքիայում խոսում են ավելի քան 39 լեզվով: Այս 39 լեզվից 18-ը համարվում են վերացած կամ անհետացման եզրին գտնվող լեզուներ: Անհետացածներից են մլահսոն (ասորական-արամեական լեզու) և  Կապադովկիայի հունարենը: Հերթևին և տուրոյո լեզուները, հանդիսանալով նեոարամեական, ՅՈՒՆԵՍԿՕ-ի կողմից ճանաչվել են անհետացման լուրջ վտանգի տակ: Դրանց են հետևում լադինոն (հրեաիսպանական լեզու) և հին թյուրքական գագաուզերենը, ապա` հունարենը (փոքրասիական), արևմտահայերենը, համշենահայերենը, լազերենը, Պոնտոսի հունարենը, աբազերենը. հայտնում է gazeteduvar.com.tr կայքը:

Նշենք, որ, ըստ Թուրքիայի Սահմանադրության 42-րդ հոդվածի, բացի Լոզանի համաձայնագրում նշված լեզուներից (հունարեն, հայերեն, եբրայերեն), Թուրքիայի քաղաքացիներին արգելվում է ցանկացած օտար լեզվով կրթությունը: