Պուտին-Լուկաշենկո բանակցությունները կտևեն օրեր

ՌԴ  նախագահ Վլադիմիր Պուտինի և Բելառուսի նախագահ Ալեքսանդր Լուկաշենկոյի հանդիպումը, որը նախատեսված է այսօր Սոչիում, կտևի գրեթե ամբողջ օրը: Այս մասին հայտնել է ՌԴ նախագահի խոսնակ Դմիտրի Պեսկովը. տեղեկացնում է РИА Новости-ն:

Կողմերը  հանդիպման շրջանակում պետք է քննարկեն եվրասիական տարածքում ինտեգրման գործընթացների զարգացման հեռանկարները:

«Ժամանակի մեծ մասը նախագահները երկուսով են շփվելու՝ անհրաժեշտության դեպքում խոսակցության մեջ ներգրավելով մասնագետների: Շփումը պլանավորվում է փաստացի ամբողջ օրը… Արդեն ծրագրված է, որ, այսպես կամ այնպես, Պուտինի և Լուկաշենկոյի միջև շփումը կշարունակվի նաև վաղը և մյուս օրը», - լրագրողներին ասել է Պեսկովը:

Հիշեցնենք, որ 2018-ի դեկտեմբերի վերջին նախագահները երկու հանդիպում են ունեցել, որի ժամանակ, սակայն, չեն կարողացել համաձայնության գալ խնդրահարուց հարցերի շուրջ: Մասնավորապես ` Լուկաշենկոն դժգոհ է նավթային ոլորտում ՌԴ-ի հարկային մանևրից և բելառուսների համար գազի գնից: